تحرق أعصابي وتخليني أصير.. مثل نار باللهب دايم تشب..

قالت إنت تغيظني وإلا تحب...
تحرق أعصابي وتخليني أصير..

مثل نار باللهب دايم تشب..
مايطفي جمرها سيل وغدير..

قلت:ءءء,,وش ذنبي؟إذافيه أي ذنب؟
شايفه إنه على قولك خطير..

وهمست لي ودمعهامنها يصب..
ماتخاف الله تعرفني أغير..

وصاحت وحسيتها شوي وتسب..
أنا أحبك وإنت تعشقها كثير..

قلت:أنا أحبك,,ولكني أحب..
أمي أكثر منك بفارق كبير..

أمي اللي قلبها عن كل قلب..
شفت منها في حياتي كل خير..

أمي اللي حبها من جد حب..
ياحلاة احساسها العذب الغزير..

إن تعبت النوم يرفض لايطب..
عينها حتى تعرف إني بخير..

صدقها مايعرف إش معنى الكذب..
طيبها كله مع خطاها يسير..

في رضاها أجري اللي ينكتب..
ومن دعاها,,الصعب يتبدل يسير..

وإن بغيت أحسب غلاها ماانحسب..
أحسب..أحسب لكن أغلط في الأخير..

هذي أمي قلبها عن كل قلب..
كيف أقارن حبها مع حب غير؟!

من طرف **العنود** الثلاثاء سبتمبر 02, 2014 10:45 am

تحرق أعصابي وتخليني أصير.. مثل نار باللهب دايم تشب..

تحرق أعصابي وتخليني أصير.. مثل نار باللهب دايم تشب..

رد: تحرق أعصابي وتخليني أصير.. مثل نار باللهب دايم تشب..