مشكلة بين الاصدقاء واهلي

عن بنت تقول

انا بنت عندى 15 سنة … انا لغاية ما خلصت 3 اعدادى علاقتى كانت كويسة اوى بصحابى … و بعديت فى الاجازة علاقتى كانت تمام اوى معاهم و ماما كانت دايما بتقول عليهم بنات جدعان اوى …. و انا كان عندى واحدة صاحبتى والدتها معندهاش تفاهم و بتقول اى حاجة هى عيزاها فى وش الناس سواء كانت حاجة حلوة او وحشة * مع احترامى ليها و لصراحتها دى برضه فى مقام امى * و بعدين حصلت مشكلة ما بين والدة صاحبتى و والدتى … و فى الاخر طلعت والدتى هى اللى معاها حق …. بس المشكلة ان ماما كرامتها عندها زيادة شوية …. يعنى لما حصلت مشكلة ما بينها و مامة صاحبتى قالتلى انى مأكلمش صاحبتى دى ابدا و لو شوفتها اعمل فيها كأنى مش موجودة اصلا و المشكلة كمان انى انا مقدرش اعمل كدة عشان صاحبتى دى انا اعرفها بقالى 3 سنين و انا برتاحلها جدا جدا جدا و انا مش معقوله انسى العشرة اللى بينى و بينها …. و بعدين قبل ما المدارس تبدأ بشوية عرفت ان صاحبتى دى هتبقى معايا فى المدرسة و فى الحصص اللى انا هبقى فيها بالصدفة … اصل انا عندى 3 صحاب … واحدة منهم انا قلتلها تحجزلى معاها فى الحصص قامت حجزتلى انا و صاحبتى اللى اتخانقت معاها باعتبار ان احنا الاربعة حبايب و مابتنفرقش عن بعض ابدا … ده معناه ان احنا الاربعة هنتلم مع بعض تانى بس انا مش هيبقى مسموحلى انى اتكلم معا اللى اتخانقت معاها عشان كرامة امى يعنى بمعنى ادق انا هبقى فى وادى و هما فى وادى تانى خالص كأنى مش حاسة بالصحوبية …. بس انا مقدرش اعمل كدة *مع اعتبار ان اللى انا اتخانقت معاها دى مقدرش اتفرق عنها ابدا * يعنى انا كدة قدامى حاجة من الاتنين …. يا امة اكلم صاحبتى دى لما اشوفها لو استقبلتنى كويس و عملت حساب للعشرة اللى بينى و بينها و بكدة انا بزعل امى … يا امة اشوف صحابى التلاتة دول متهنين مع بعض و انا بعيدة عنهم خاااالص * باعتبار ان انا منطوية و حالتى النفسية تعبانة اوى * و بكدة انا ببقى محترمة كلام امى و كرامتها … انا احترت اوى اوى اوى … انا بحاول اصلح بينهم من ناحية امى على اساس انها منطقية و قنوعة جدا و مش عارفة

من طرف **خوخه** الأربعاء يناير 25, 2017 3:18 pm

مشكلة بين الاصدقاء واهلي

مشكلة بين الاصدقاء واهلي

رد: مشكلة بين الاصدقاء واهلي