اسنان طفلك

من طرف **الثلج الاسود** السبت مارس 01, 2014 10:53 am

كتير من الأمهات بيعتقدوا خطأ ان العناية بأسنان اطفالهم بتبدأ بعد ما الأسنان تظهر لكن ديه معلومة غلط لأن العناية بالأسنان لازم تاخد اتجاهين
اولاً: العناية ببناء الأسنان وتشكيلها.
ثانيا ً العناية بنظافة الأسنان من أول ظهورها.
بالنسبة للخطوة الاولى كانت مسئوليتى تجاه مريم من أول ولادتها عن طريق اهتمامى بنوع الأكل اللى بقدموا ليها يعنى لازم يكون نظام غذائى متوازن وصحى ومتنوع ، يعنى فيه كل العناصر الغذائية زى الفواكه والخضروات واللبن والمياه طبعا ً والفيتنامينات الى بتدخل الجسم اما عن طريق الاكل او الادوية لو الدكتور شاف ان مريم كان عندها نقص فى عناصر معينة ومفيش غير انها تاخدوا عن طريق الأدوية.

والمعلومة المهمة اللى قريتها ان البيبى أسنانه بتبدأ تتشكل وهو لسه فى رحم الأم و تفضل مرحلة التسنين وتستمر لغاية ظهور جميع الأسنان لما مريم تبقى عندها 3 سنين وده معناه ان الاهتمام بالاكل من أهم العوامل التى بتساعد على ظهور اسنان البيبى بشكل سليم .
وبعد الولادة بدأت اهتم بالموضوع بشكل مباشر يعنى كان مهم جدا إنى انضف اللثة بتاعت مريم بعد كل رضاعة وكمان بدأت اغسل سنانها بفرشة صغيرة ناعمة أوى أول ما بدأت تكتمل.
ومريم اثناء نموها مرت بمراحل فيها تغيرات كتيره تتعلق بسنانها
يعنى مثلا لما كانت عندها سنة دايما كانت بتتعرض للألم ورغبتها المستمرة فى العض لأنها فى مرحلة التسنين وكنت شاريلها العضاضة ولازم اخلى بالى من نظافتها وتعقيمها من التلوث لانها ممكن تحطها فى بقوها علطول وفى الوقت ده باردو الطفل بيشعر اوقات بالخوف او الحزن من غير سبب معين فيبدأ مثلاً عادة زى مص الصباع أو نتيجة احساسه بالرغبة فى العض او المص والعادة ديه من أكتر العادات الخاطئة اللى الطفل ممكن يتعلمها وهو رضيع، عادة مص الاصبع بتؤدى لحدوث تشوهات فى وضع الأسنان على الفكين زى بروز الأسنان الأمامية ولازم الأم تحاول منع طفلها من العادة ديه بتذكيره علطول بإنه يشيل صباعه من بقه.

من طرف **باحث عن الحق** السبت مارس 01, 2014 12:32 pm

من طرف **الثلج الاسود** الأحد مارس 02, 2014 9:37 am

اسنان طفلك

اسنان طفلك

رد: اسنان طفلك

رد: اسنان طفلك