اليوم جبتلكم طريقة اختيار الفاونديشن الصح ، شرح الاندرتون .. وطريقة اختيار الكونسيلر الصح!
نبدأ :
اول شي لازم اعطيكِ معلومه عن الفاونديشن لان هذا الخطأ وارد ودايماً الناس يسووه
- انتي لما تحطي فاونديشن ، ماتبغي تغيري لون بشرتك " تفتّحيها او تغمّقيها " !
تحطي عشان تساوي لون بشرتك وتخليها لون واحد ، لون بشرتك يكون هو هو مايتغير
يعني ماتسوي برونز او تبغي تصيري بيضا بالفاونديشن هذا اكبر خطأ!
لما تبغي تسوي برونز سويه بـ :
1- بلشر
2- برونز باودر
.
.
الخطوات الأساسيه اللي لازم تتبعيها عشان توصلي لاختيار الفاونديشن الصح :
- أنواع درجات لون البشره the undertone
بشرة الانسان لونها ينقسم لونين :
لون خارجي " اللي نشوفه "
لون داخلي اللي هو الاندرتون " نلتمسه مع الممارسه "
تنقسم أنواع درجات لون البشره الداخليه " الاندرتون" لـ 3 انواع :
1- دافئه
2- بارده
3- طبيعيه
وهذا الشي موجود بكل بنت طبعاً ، ومهم تعرفينه لأن لو عرفتيه راح تضمني انك راح تلاقين الاساس المناسب لبشرتك
هو المسبب الرئيسي لـ " ليش قلب الفاونديشن رمادي؟ ليش الفاونديشن مو لايق علي مع اني اخذت نفس لون درجتي بالضبط " !
لان بكل بساطه الاندرتون حاجه ماتنشاف ع طول او واضحه فيك من برا ع طول ، هو شي موجود فيكِ ويتفاعل مع اللون اللي راح تحطيه عليك فاذا ماحطيتي لون يناسب اندرتونك بطريقه معينه خصوصاً لو كنتي صاحبة الدرجه الدافئه ، راح يقلب شي ماراح يعجبك منظره ابداً ابداً !
راح تلاحظي هذا الشي لما تدققين ببشرتك كويس ، راح تلاحظي ان بشرتك لونها ياخذ منحدر ثاني
وترا هذا الشي مو بس راح يساعدك باختيار الميكب ، حتى بملابسك حتى بصبغة شعرك بلون عدساتك ، لما تهتمي بهذا الجانب من نوع بشرتك
اضمني ان كل شي راح يكون لايق عليك ان شاءالله .. وطبعاً راح اساعدك كيف تلاقين نوع لون بشرتك عشان ترتاحي من جوانب كثير
الاندرتون الدافئ هو احد الدرجات وترا مو شرط تكونين صاحبة بشره سمرا عشان يكون اندرتونك دافئ
يعني عادي جداً وحده بيضا اندرتونها يكون دافئ نفس الشقرا اللي انا حاطتها فوق!
اللون اللي تقدرين تلتمسينه من صاحبة الدرجه الدافئه هي الزيتي ، الذهبي البيج ، الاصفر
مثلاً الاسيويات غالبيتهم بشرتهم دافئه ليش؟ لان لو تلاحظين بشرتهم جايه على صفار
فأصلاً يسمون بشرتهم يلو سكن ، البشره الصفرا
وطبعاً اللون اللي تقدرين تلتمسينه مو كافي لازم طريقه معينه عشان تتأكدين من نوع بشرتك
- لاحظو ع صاحبة الصوره ، اللون اللي طاغي ع بشرتها الذهبي صح؟
نفس الشي الاندرتون البارد مو لازم تكوني بيضا عشان اندرتونك يكون بارد ، ممكن تكوني سمرا واندرتونك بارد عادي جداً
أكرر للمره الثانيه الاندرتون مو عشان بيضا خلاص ازرق ، او سمرا يعني دافي .. ماله دخل ابداً ابداً!
الالوان اللي تقدري تلتمسينها من صاحبات الدرجه البارده : البينك ، الازرق ، البنفسجي ، البيج اللي ع بينك
ايوا هذي الالوان عادي جداً توضح عالبشره و زي ماقلتلك ماتكون باينه تماما اول ماتطالعين ، مع الممارسه راح تقدرين تطلعين اندرتون اي انسانه قدامك وحتى اي شي بالحياه تقدرين تطلعين اندرتونه مايل على ايش !
- لاحظو ع صاحبة الصوره اللي حاطتها ، جامعه البينك والبيج
الطبيعي هو اللي يجمع بين الاثنين ، الدافئ والبارد يعني بشرته فيها مثلاً ازرق و اصفر بنفس الوقت
وطبعاً يكون تقريباً لايقه عليه جميع الالوان ، ماشاءالله يابخت صاحبة هذا الاندرتون D:
- لاحظو ع صاحبة الصوره اللي حاطتها ، لو تدققين فيها بشرتها تجمع البينك والذهبي بنفس الوقت 
)
كيف أطلّع الاندرتون لبشرتي؟!
عشان تطلعي اندرتونك فيه كذا طريقه سهله مافيها تعب ، والاحسن تسوي الطرق كلها
عشان تضمني النتيجه الصح :
1- الطريقه الاولى :
- عروق اليد -
طالعي بعروق يدك ايش لونها؟
اخضر ، بنفسجي؟ أزرق؟
اذا ازرق ، بنفسجي / بشرتك بارده
اخضر / بشرتك دافئه
أزرق و اخضر مع بعض / بشرتك طبيعيه
2- الطريقه الثانيه :
بدون عنصريه ولا تنحازي للي تحبيه اكثر جاوبي نفسك بصراحه D: ايش اللي لايق ع بشرتك اكثر؟
الاكسسواريز الفضي او الذهبي؟
اذا الفضي لايق ع بشرتك اكثر = بارده
الذهبي اكثر = دافئه
كلهم = عاديه!
3- الطريقه الثالثه :
طالعي بجدول الالوان هذا اول شي " احفظيه عندك يكون احسن " :
اليمين الالوان الدافئه ، اليسار الالوان البارده
نجي للطريقه :
خلي وجهك فاضي من الميكب ونظيف تماماً تماماً
روحي مكان اضاءته تمام وكويسه ، اضاءه بيضا طبعاً
لازم يكون معكِ ورقه بيضا بدون سطور طبعاً ، او منشفه بيضا تماماً
طالعي بالمرايا وحطي الورقا البيضا جنبك ، مو تحت دقنك لا جنب وجهك من اليسار او اليمين
و تأملي بالمرايا ، شوفي ايش اللون اللي طابع على وجهك ورقبتك وجسمك بشكل عام؟ هل هو بينك؟ أو احمر؟ او اصفر؟ او بنفسجي؟ او زيتي؟
مثلاً انا اطالع ع طول القى احمر مشمشي ، انتي شوفي ايش تلاقي؟ و اللون هذا ينحدر تحت اي نوع؟
اذا لقيتي لونين مثلاً بينك وذهبي او بينك و اصفر فبشرتك طبيعيه ، اصفر او زيتي او اورانجي او احمر او اخضر = دافيه
بينك ، بنفسجي ، ازرق = بشرتك بارده
- زي ماقلتلك لاتطالعي بوجهك بس ، طالعي برقبتك واكتافك الافضل تكون مكشوفه -
وعادي جداً يكون اندرتون رقبتك شي ، و اندرتون وجهك شي يعني ممكن وجهك دافئ ورقبتك بارده او جسمك مره عادي ، سجليهم كلهم وشوفي ايش يطلعون
مثال :
انا لما اطالع بعروقي اخضر فاااقع و واضح ، الذهب لايق علي اكثر من الفضه رغم اني اكره الذهب بس خلاص لول
لما اطالع بنفسي بالمرايا ، اللون اللي القاه بوجهي احمر مشمشي ، ورقبتي اندرتونها برتقالي ، والاحمر المشمشي دافئ والبرتقالي دافئ برضو ، يعني بشرتي دافئه بيور ههههههههههههههه 
- الطريقه الرابعه :
مدى اكتساب بشرتك للون الشمس
هل انتي لما تسوي تان تحت الشمس ، تنحرق بشرتك؟ تصير كأنها محروقه
او تكسبي اللون الذهبي بسهوله؟
اذا تنحرق = بارده
تكسب اللون الذهبي = دافئه
بعد هذي الخطوات كلها طبعاً راح تستنجي نوع اندرتون بشرتك 
بعطيكِ مثال بصوره ع الفرق بين نوع البشرتين ، عشان تستوعبي اكثر انه عادي تكوني انتي وصاحبتك نفس الدرجه بالضبط
لكن اندرتونك يختلف
شوفي :
اليمين واليسار نفس الدرجه بس شوفي
اليمين جاي اندرتونها ع ايش؟ اصفر ، ذهبي صح؟
واليمين؟ مايحتاج ع بينك )
- حددي درجه لون بشرتك
هل انتي سمرا؟ بيضا؟ سمارك داكن؟
او درجة لونك نفس درجة التان ، طيب سمرا بارده ولا دافئه ولا عاديه؟
طالعي بالمرايا وحددي درجة لون بشرتك بالضبط ، تنتمي للبيجيات ، ولا اللايت ، ولا الدرجه السمرا
- نوع بشرتك
أنواع البشرات معروفه :
دهنيه ، جافّه ، مختلطه
ماراح اتوسّع أكثر بهذا الشي لان اكيد اغلبنا عارف ايش نوع بشرته
ونوع البشره جداً مهم باختيار الفاونديشن لان صعبه تكون بشرتك دهنيه وتاخذي فاونديشن يعطي لوك ديوي " ندي " !
كذا راح يزيد الطين بله ، و صعبه كمان بشرتك جافه وتاخذي فاونديشن مات ، يزيد الجفاف اضعاف!
الحين من حسن حظنا اختيار الفاونديشن صار جداً سهل من ناحية اللي يناسب البشره
مثلاً ممكن تلاقين عالفاونديشن مكتوب : For dry skin ، وطبعاً Dry = معناها جافّه
أو مكتوب For oily skin ، وطبعاً oily = دهني
أو For Combination Skin ومعناها للبشره المختلطه
أو مثلاً يقولك انه يعطي لوك Matte ومات معناها مطفي يعني يناسب البشره الدهنيه لانه يطفي اللمعان
و زي كذا ، يعني اللي ابغا اوصله لك لازم تستخدمي فاونديشن يعطيكِ الضالّه المنشوده ببشرتك
لا صارت بشرتك جافه ، يعني انتي تحتاجي ترطيب ماتحتاجي فاونديشن يعطيكِ لوك مات " مطفي "
فراح تدوّري عالفاونديشن اللي يعطيكِ اللوك اللي يعوّض بشرتك
عشان اساعدك اكثر واختصر عليكِ التعب ، حطيت لك :
" أفضل انواع الفاونديشنز حسب نوع البشره "
الخطوات الأساسيه لشراء الفاونديشن المناسب :
فكره لازم تحطيها زي الحلق باذنك
انتي لما تبغي تشتري فاونديشن زي ماقلت ماتبغي تفتّحي او تغمقي بشرتك
انتي بتخلي لون بشرتك زي ماهي بالضبط! بس اللهم مع صفاء وشكل افضل
فكره ثانيه اللي هي
انتي مابتحطي فاونديشن بس لوجهك! ، الناس مايشوفو وجهك لحاله
الناس يشوفو وجهك ، و رقبتك مع بعض
وكمان احياناً كتفك لو كان فستانك مكشوف من جهة الكتف صح؟
فالشي الاساسي اللي راح تبحثي عليه بالفاونديشن بالاضافه للي فوق ، شي يغطي رقبتك و وجهك بطريقه صحيحه
ويخلي لونهم واحد خصوصاً لو كان رقبتك اندرتونها شي ، و وجهك اندر تونه شي .. او واحد اغمق او افتح من الثاني!
راح نجي للطريقه الصحيحه اللي تخلي وجهك ورقبتك متوازنين مع بعض
معادلة الاندر تون
الشرح :
شوفي الصوره اللي فوق
لاحظي البنت اندر تون بشرة وجهها دافئ!
دققي فيها وراح تشوفي ان اندرتونها مشمشي على اورانجي وهذا اللون دافئ
رقبتها ايش؟ دققي ، اندرتونها ازرق .. والاندرتون الازرق = بارد
كيف راح نعادل هذا الشي ؟
بشرتك واندرتونك والفاونديشن زي المعادله الكيميائيه نمشي على خطوات معينه عشان بالاخير نحصل على شي جداً جميل
لو كنتي تعاني من نفس مشكله سواء رقبتك وجسمك بشكل عام افتح من وجهك او اغمق او حتى كلهم زي بعض
بكل الحالات أول شي طالعي باندرتون بشرة وجهك وجسمك وكل واحد طلّعيه وحطيه على جنب وطبّقي هذا القانون البسيط :
1) جسم دافئ + وجه بارد : تختاري فاونديشن اندر تونه دافئ! - والعكس نفس الشي لو جسمك بارد و وجهك دافئ -
2) جسم بارد + وجه بارد = تختاري فاونديشن اندرتونه برضو دافئ!
راح تسأليني ليش؟ و ايش الفايده اجل دامني ماراح امشي ع اندر توني خلاص مافي داعي اطلعه
بقولك لأن لو كان وجهك وجسمك باردين فهذا يعني فاونديشنك راح يكون مايل على بينك وبكذا : بينك على بينك = يعطي لوك احمر!
واللوك هذا ماراح يكون حلو ، فالافضل لك تاخذي فاونديشن دافئ يعادل لك
3) جسم دافئ + وجه دافئ = فاونديشن اندرتونه دافئ.
4) جسم طبيعي + وجه طبيعي = تشوفي ايش اللي يغلب عليكِ وتختاري عليه ، الاغلب انه راح يكون دافئ
- معادلة درجة لون البشره :
بالفاونديشن حطي ببالك انك انتي ماراح تنحازي لبشرة وجهك اكثر شي
مستحيل تنحازي لون لمنطقه بسيطه زي الوجه وتمشّي هذا اللون على منطقه كبيره زي الجسم!
راح تمشي على لون جسمك وتحطي وجهك ع جنب ، كلامي هذا مو معناته لو بشرة جسمك جداً غامقه او فاتحه تاخذي خلاص عليها
وتخلي وجهك جداً غامق او فاتح .. لا
راح اوضح لك اكثر بمعادله مختصره عشان تستوعبي
وجهك فاتح + رقبتك غامقه = تختاري فاونديشن اغمق من وجهك بدرجه عشان تعادلي بين رقبتك و وجهك
( مع مراعاة معادلة الاندرتون اللي حطيتها )
وجهك غامق + رقبتك فاتحه = تختاري فاونديشن افتح من وجهك بدرجه عشان يعادل مابين الرقبه والوجه
( مع مراعاة معادلة الاندرتون اللي حطيتها )
كيف تتأكدي من ان الفاونديشن ناسبك؟!
أولاً بغض النظر عن ان سوء بعض العاملات اللي بالمحلات لكن لازم نستغل فكرة انهم خلو اللي يشتغلو بالمحلات بنات!
يعني لا تنكسفي من انك تجربي فاونديشن :
أولاً لا تجربي واحد ، جربي عالاقل 3 تحسينهم مناسبين جداً جداً لبشرتك
وتكوني طبقتي معادلة الاندرتون ومعادلة لون الرقبه والوجه اهم شي!
الحين جا وقت التجربه لما بتجربي :
شوفي بالصوره كيف؟ مدّت من الوجه على جنب لين الرقبه
هذي الطريقه الصحيحه بالضبط ، انك تمدّي الفاونديشن من يمين او يسار نهاية خدك للرقبته وتطبطبي وتشوفي
هل هو ناسب او لا!
راح تنصدمي ان كذا درجه شفتيها بعلبتها قلتي واو مره كأنها بشرتي ولما حطيتيها ماناسبت عشان كذا اقولك بالقليل جربي 3
ولا تستحي ابداً! المفروض تستغلي فكرة تأنيث المحلات من هذي الناحيه وماتطلعي الا وانتي معاكِ الفاونديشن الصح )
س) مودّه كيف راح افرّق اندرتون الفاونديشنز كلهم يشبهو بعض؟
ج) راح اعطيكِ مثال عشان تعرفي تفرّقي :
1-
2-
طالعي بمجموعه 1 ، و مجموعه 2
ممكن من اول نظره راح تحسبينهم نفس الدرجات تقريباً مايفرقون
بس لاحظي المجموعه واحد يغلب عليها لون ايش؟ ايش اللون اللي تلمحينه لما تتنحين فيهم؟!
الاصفر او الاورانجي او المشمشي صح؟
طيب المجموعه 2؟ مايله على بينك .. شفتي كيف الفرق؟ مجموعه 1 هي فاونديشنز اندرتونها دافئ
و مجموعه 2 اندرتونها بارد طبعاً ، مع الممارسه صدقيني بسهوله راح تكتشفي
ممكن بحالات قليله جداً راح تلجأي بهذي الطريقه
لان اغلب البراندز يلمحون لك بإسم الفاونديشن ايش اندر تونه
زي ميك اب فوريفر ، وعلى ما اعتقد ريفلون كمان ^^
طيب كيف تستنجي اندرتون الفاونديشن من اسمه؟
C = مأخوذه من Cold يعني بارد
W = مأخوذه من Warm يعني دافئ
NC = جامعه اول حرف من كلمة Cold و Normal يعني طبيعي بارد
NW = جامعه اول حرف من كلمة Warm و Normal يعني طبيعي دافئ
أستثني ماك لان ماك صح يكتب لكن طريقته معقده يعني يكتب بارد وقصده دافئ مدري ليش لول
مراجعه عالسريع :
س) ايش الاساسيات اللي اسويها عشان اوصل لفاونديشن نفس لون بشرتي بدون مايخرب شكلي؟
ج)
- تطلعي اندر تون بشرتك ورقبتك
- تدوري عالفاونديشن اللي يناسب نوع بشرتك ( جافه ، دهنيه .. الخ )
- تطبقي اللي كتبته بانك تعادلي لون رقبتك مع وجهك
طريقة اختيار الكونسيلر الصحيحه!
جينا للبارت الثاني من بوست اليوم
اللي هو طريقة اختيار الكونسيلر الصحيحه على حسب مشكلتك!
أول شي الكونسيلر ينقسم نوعين :
1) سائل : غالباً مو دائماً بس الاغلب تكون تغطيته خفيفه ومايناسب اللي هالاتهم غامقه جداً
2) كريمي : تغطيته ثقيله ويغطي بس طبعاً مو لحاله لو كانت هالاتك جداً غامقه ، واذا كانت بشرتك جافه لازم ترطبي المنطقه قبل ماتستخدميه عشان مايتجعد او يطلع منظر مو حلو عليكِ
كيف تختاري الكونسيلر الصحيح لو عندك هالات؟
أول شي راح تحتاجي الكورّيكتر " المصحح "
يجي لونه بين الاورانج والمشمشي ، توزعيه ع هالاتك وبعدها تحطي الكونسيلر
س) ايش وظيفة المصحح؟
ج) يكسر اللون الاسود " لون الهالات " بحيث لما تحطي الكونسير مايقلب رصاصي!
بعدها تختاري الكونسيلر الصح اللي يناسبك
بحالة عندك هالات حتى مع استخدام المصحح لازم يكون نفس لون درجة بشرتك " ولا تنسي الاندرتون "
لو عندك هالات متوسطه وماتحتاجي كوركتر ، خذيه اغمق منك بدرجه _ ولاازم لازم يكون الاندرتون حق الكونسيلر نفسه اورانج ع مشمشي _!
عشان يكسر لون الهالات ويعادلها .
ملاحظه : الكونسيلر انتبهي يكون فاتح سواء عندك هالات او لا ، ماينفع تحطيه كطبقه اولى ويكون فاتح!
منظرك جداً راح يكون مو حلو
اتمنى يكون هذا الموضوع مرجع لكل وحده مو عارفه او مالقت الكونسيلر والفاونديشن اللي يناسبها ،
من قلب اتمنى الموضوع يكون مفيد ، و واضح وشامل ، حطيت كل المعلومات اللي اعرفها وفادتني بشكل كبير
الانرتون يابنات مفيد بكل شي ، بكل شي ، سواء بلبسك وبالميكب ارواجك فاونديشن صبغة شعرك وحتى لون عدساتك
لا تهمّشيه ، صدقيني راح تطلعي بأجمل طله ان شاءالله لو اعتمدتي عليه بكل طلّاتك واشيائك
في خافقي شوق وغرام وفي نظرة عيوني كلام تقولكم يا اعضاء منتدى نظرة عيونك يا قمر المنتدى من غيركم ظلام
صباحكم مسائكم عسل بالقشطة ياحلوين ههههههه مع تحيات مراسلتكم همسة من منتدى نظرة عيونك يا قمر هذى صورة ... من تتوقعون حصريا هههه ابوشوارب بهرب قبل ما يصيدوني هههههههه
لو سمحتوا لا احد يسجل باسماء قريبه من الاعضاء او الاداريين لاحضت ان اعضاء جدد يسجلون باسماء قريبه للاداريين او الاعضاء ممكن ان يختاروا اسماء غير ويا هلا بكم معانا وكل عضو بيتعمد يسجل اباسم قريب لاي عضو اخر راح يتغير اسمه مع شكري لكم 
ملف كامل عن اساس البشرة 
من طرف الثلج الاسود الإثنين يناير 12, 2015 3:33 pm
جنسية العضو : يمني
الأوسمة : 
عدد المساهمات : 27056
عدد المساهمات : 1156
» افضل فنادق مكة والمدينة
» دليلك لمنتجات العناية بالطفل على ويلنس سوق
» موسم الحج والعمرة وحجز فنادق
» موسم الحج والعمرة وحجز فنادق
» منتجات كيو في على ويلنس سوق: الحل الكامل لجميع احتياجات العناية بالبشرة
» حجز فنادق مكة والمدينة
» اعداد رسائل الماجستير و الدكتوراه بكل اريحية
» مصنع ساف للبيتومين
» PDF Help: الحل الشامل لجميع احتياجات ملفات PDF!