كيف انهي علاقتي بدون ان االمها

السلام عليكم ورحمة الله
بداية من الاخوه الافاضل ان يضعوا انفسهم مكانى قبل قراءة المشكله بالله عليكم حطوا نفسكوا مكانى !!
المشكله كالاتى
كنت خاطب واحده من رمضان اللى فات بنت جيرانا اللى فى العماره اللى قصادنا
دى اول مره اعمل فيها علاقة مع فتاة من بعد ما من الله عليا بسيرى فى طريق الهدايه
وقبل ما التزم بفضل الله كانت علقاتى بسيطه جدااا الافضل انى اقول معملتش علقات اصلا خالص
يعنى تقدروا تقولوا ابيض (:
المهم تقدمت وخطبت بنت جيرانا صاحبة السادسة عشر ربيع وتم قبولى بكل الرحب والسعه
صارت الايام وبدات اتعرف عليها وكده وانصحها واكلمها فى امور دينيه وكده واهتم بيها كويس دينيا وثقافيا واجتماعيا
يعنى اهتمام شامل
لغاية ما بقيت بالنسبه لها زى الهوا اللى بتتنفسوا
خلال الفتره دى حصلت مشاكل صغيره وكانت بتعدى
والسبب اختها الكبيره بتغييير منها جداااا
يعنى لما تشوفنى بكلمها تغير وتغضب وتزعق .. مع انى ماكنتش بتكلم كلام حب والذى منه لانها لسه فى حكم الاجنبيه
لكن مشكلة اختها انها كان لها علاقة عاطفيه قبل كده وفشلت بشكل مؤلم بشده على اثر مشاكل اجتماعيه ونفسيه
فهو ده السبب اللى كان بيخليها تتنرفز لما تشوفنا مع بعض بنتكلم وكده
انا عديتها وقلت عادى فى بنات كتير كده والتمست لها العذر
لغاية ما جت فى مره فاض بها الكيل وغضبت بشده لما فى مره بدي خطيبتي كتاب اول مره اصلى بتاع الشيخ خالد ابو شادى وديته البيت .. لغاية مالموضوع كبر والامر وصل للكبار
وحصلت اشياء عجيبه واكاذيب لا اقول فيها غير حسبى الله ونعم الوكيل
والموضوع اتفشكل تماماً وفسخنا الخطوبه وانا لله وانا اليه راجعون
المشكله هنا يا اخوة مش فى فسخ الخطوبه
المشكله ان خطيبتي متمسكه بيا جداااااااااااااااااااااااااااااا
ومش عارفه تعيش من غيرى
بعد ما فسخنا الخطوبه كلمتها متزعلش حد منها فى البيت وكلمتها انه تسمع كلام اخوها الاكبر ومتزعلش ماما منها و تتعامل مع اختها عن بعد بالذات لانها بدات تكرهها جامد بعد اللى حصل منها ده وهيا بتسمع كلامى بالحرف الواحد بل وبتزيد فى الطاعه بشكل رااائع جداااااا
كلمتنى بعدها بيومين بطمئن على احوالها فى البيت وكده
فطمئنتنى انها عملت كل اللى قلتلها عليه ونفذته وكله تمام ومفيش مشاكل ومعتش فيه صوت عالى
الحمد لله
اطمانيت
وحبيت انهى العلاقه
وجيت فى ليله كلمتها وقلتلها احنا لازم نسيب بعض علشان ميبقاش حرام علينا
وعلشان لو حد عرف انك بتتكلمى معايا خصوصا اخوها الكبير حيعمل مشاكل جامده وهيفضحها ولا حول ولا قوة الا بالله
وكلامى معاها مفيش رد الا صوت بكاء وانين (( بصراحه قطع قلبى ))) وبكيت انا كمان لحزنها ده اووووى حتى ان عيناى خدت شكل متورم !!
كلامها كله كان عباره ( مش عقدر اعيش من غيرك ) وبترددها كتير
ذكرتها بالله وقلتلها متقلقيش حنجتمع فى الجنه من غير مشاكل ومن غير قيود ... تهدا قليلا وترجع تبكى بمراره
سيبتها يومين ومكلمتهاش وقفلت الموبايل وجيت بعد كده فتحت الموبايل اتصلت عليا اول مره مرضتش افتح
اتصلت تانى ضميرى وجعنى بشده
قلت ارد اشوف اخبارها ايه ؟؟؟
رديت وكلمتها صوتها للاسف كل حزن شديد جدااا
مش قاره اعيش من غيرك
ولمحت من كلامها انه فى مشاكل هتحصل بينها وبين امها واختها فى البيت تانى !! وبسبب انى مش هكلمها تانى
انا خوفت تحصل مشاكل تانى خصوصا مشاكلهم وحشه جداا وبتكبر ومحدش بيعرف يلمها اطلاقاً
وهيترتب عليها مفاسد كبيره والبنت سمعتها هتبوظ
انا مش عارف ااتصرف ازاى
ازاى ننسحب بهدوء من غير ما البنت تزعل وتغضب على اهلها ؟؟؟!!!
احترت كتير والله وفكرت يامه لغاية ما دماغى صدعت
انا راضى بالقسمه والنصيب لكن المشكله فى البنت
عيلتها ناس صاعبين ومش بيحتضنوها وعندهم تفكك اسرى شديد جدااااااااااا
حتى لما يكون عندها مشكله مش بيسمعولها ومش بيدوها الفرصه انها تتكلم وتقول اصلاً ّ!!!!!
اتصرف ازاى يا اخوانى
بالله عليكم ساعدونى
الرجوع الى أعلى الصفحة اذهب الى الأسفل

من طرف **لمياء** الأربعاء مارس 29, 2017 7:12 pm

كيف انهي علاقتي بدون ان االمها

كيف انهي علاقتي بدون ان االمها

رد: كيف انهي علاقتي بدون ان االمها