خاليه السمراء...لابن جخير

من طرف **الثلج الاسود** السبت مارس 01, 2014 10:03 am

خاليه السمراء

يالله ياللي جميع الخلـق تحـت امـره
انـك تجـازي هـل النمّـات والغيبـه

وانـك تفـرج لعبـدٍ ضايـقٍ صـدره
الهيّنه فـي عيونـه صـارت مصيبـه

عزيز واللـي سواتـي مانقـص قـدره
والله مالِحقـنـي شــكٍ ولا ريـبــه

شاعر مجرب واخذت من الزمن عبـره
وياشيب راسي من اللي شفت ياشيبـه

ماكل منهـو يغيـب اجيـه ولاّ اشره
بيموت ماقلـت لـه يامطـوّل الغيبـه

اميّز الضحكه الضحكـه مـن الكشـره
وخص مي واعرفه بضحكاته والاعيبـه

من بعدهـا ببتـدي وافصّـل النشـره
وكـلاّ يفسـر علـى كيفـه واساليبـه

يابنـت انـا لابتـي خيالـة( السمـره)
ارداهم اللي مايِحصـون العـرب طيبـه

فينـا الولـد للمراجـل واهـبٍ عمـره
يحـري بكلمـة نعـم والنعـم يحريبـه

فينا الولد يرتكي للحمـل مـن صغـره
من شاف فعلـه لـزومٍ انـه يهذريبـه

رفيقنـا مايجيـه ابـر مــن تـمـره
وعدونـا يابـري حـالـه وطرجيـبـه

اشب ضوّي وسمره في طـرف سمـره
والضيف يبشـر بعشـر آلاف ترحيبـه

لانيب اجامـل ولا دانـي هـل الزمـره
ولاّ رفيقـي تلـبـى لــه مطاليـبـه

اعز نفسـي عـن الهفـوات والعثـره
اخـاف كلمـة عذاريـبـه عذاريـبـه

الـدرب ماقـول ياطولـه ويـا قصـره
لو كـان فـي درب ماتِحمـد عواقيبـه

لا(ششت) كني هبيلٍ في طـرف سكـره
لا جيب للمـوت طـاري قلـت حلّيبـه

وانتي لش المشط والريحـان والحمـره
وانـا لـي العـز وافخربـه واماريبـه

وانتي لش الولوله والدمـع والحسـره
وانا لـي المجـد والنومـاس والهيبـه

انـا ليـا قلـت عنـدي للفعـل قـدره
والا انتي اقصى علومش (ياقطع صيبه)

هاذي ترى زبدة الموضـوع فالنشـره
وكـلاّ يفسّـر علـى كيفـه واساليبـه

من راح يالله عساها لـي ولـه سفـره
ومن صدّق اهل النمايم ويش اسويبه!!؟؟

لكن قبل ماختـم ابياتـي علـى فِكـره
الله يجـازي هـل النمّـات والغيـبـه

من طرف **PANDOL** الإثنين مارس 03, 2014 3:00 pm

خاليه السمراء...لابن جخير

خاليه السمراء...لابن جخير

رد: خاليه السمراء...لابن جخير

رد: خاليه السمراء...لابن جخير